عالمی بینک نے پاکستان کیلئے 535ملین ڈالر قرض کی منظوری دیدی

اسلام آباد: عالمی بینک نے پاکستان کیلئے 53 کروڑ 50 لاکھ ڈالر قرض کی منظوری دے دی۔

عالمی بینک کے اعلامیہ کے مطابق ورلڈ بینک پاکستان کو 53 کروڑ 50 لاکھ ڈالر فراہم کرے گا،پاکستان کو یہ رقم 2 منصوبوں کیلیے فراہم کی جائے گی۔پہلے پراجیکٹ کے تحت 40 کروڑ ڈالر فراہم کیے جائیں گے۔

اعلامیہ کے مطابق یہ رقم پاکستان میں موسمیاتی تبدیلیوں کے نقصانات کم کرنے پر خرچ کی جائے گی۔فنڈز کے ذریعے زرعی شعبے کی پیداواربہتر ہو سکے گی،رقم کا مقصد زرعی شعبے کوموسمیاتی تبدیلیوں کے اثرات سے محفوظ بنانا ہے۔

دوسرے پراجیکٹ کے تحت 13 کروڑ 50 لاکھ ڈالر فراہم کیے جائیں گے۔اس رقم کا مقصد سندھ میں لائیو اسٹاک کے شعبے میں بہتری لانا ہے،سندھ میں لائیو اسٹاک کے شعبے کو موسمیاتی تبدیلیوں کے اثرات سے محفوظ بنایا جائے گا۔