کراچی میں گرمی کی لہر میں کل سے کمی کی پیش گوئی

کراچی: محکمہ موسمیات نے کراچی میں جاری گرمی کی لہر میں کل سے کمی کی پیش گوئی کردی۔

چیف میٹرولوجسٹ سردارسرفراز کا کہنا ہے کہ کل سے گرم اور مرطوب موسم کی شدت میں کمی آ جائے گی،کل سے شہر میں سمندری ہوائیں بحال ہونے کا امکان ہے۔

ادھر موسمیاتی تجزیہ کار جواد میمن کا کہناہے کہ گرم، مرطوب موسم سے بحیرہ عرب میں بننے والا ہوا کا کم دباؤ ہے،ہوا کا کم دباؤ بہت جلد ختم ہونے کا امکان ہے،آج رات سے سمندری ہوائیں بحال ہونا شروع ہوں گی،آنے والے دنوں میں مختلف علاقوں میں صبح، رات میں بونداباندی جاری رہ سکتی ہے۔