سوشل میڈیا پرنازیبا مواد شیئر کرنے پرفائرنگ، 3 جاں بحق،5زخمی

پشاور: سوشل میڈیا پر ایک دوسرے کےخلاف نازیبا مواد شیئر کرنے کے تنازعے پر فریقین میں فائرنگ کا تبادلہ ہوگیا، جس کے نتیجے میں 3 افراد جاں بحق اور 5 زخمی ہوگئے۔

پولیس کے مطابق واقعہ تھانہ یکہ توت کی حدود رشید گڑھی میں پیش آیا، واقعے کے بعد لاشوں کو پوسٹ مارٹم کیلئے اسپتال منتقل کیا گیا، اسی طرح زخمیوں کو بھی طبی امداد کے لیے اسپتال پہنچایا گیا۔

پولیس نے فوری کارروائی کرتے ہوئے چار ملزمان کو حراست میں لے لیا۔ اس حوالے پولیس نے بتایا کہ ملزمان سے اسلحہ برآمد کرکے مزید تفتیش شروع کردی گئی ہے۔