پشاور،درہ آدم خیل میں بارش کا پانی گھر میں داخل،11 افراد جاں بحق

پشاور (اُمت نیوز) پشاور کے علاقے درہ آدم خیل اولڈ بازید خیل میں بارش کا پانی گھر کے تہہ خانے میں داخل ہو گیا، پانی میں ڈوبنے سے 11 افراد جان کی بازی ہار گئے۔

ترجمان ریسکیو کے مطابق امجد نامی شخص کے گھر میں بارش کا پانی داخل ہوا، آپریشن کئی گھنٹوں بعد مکمل ہو گیا، جاں بحق افراد کی تعداد 11 ہوگئی، 2 مرد، 3 خواتین اور 6 بچوں کی لاشیں ریکور کر لی گئی ہیں۔

ریسیکو حکام کا مزید کہنا ہے کہ بارش کا غیر معمولی پانی گھر کے تہہ خانے میں داخل ہونے سے اموات ہوئیں۔

دوسری جانب کراچی سمیت سندھ کے مختلف علاقوں میں بھی ابر رحمت کا سلسلہ جاری ہے، شہر قائد میں کہیں ہلکی اور کہیں تیز بارش ہو رہی ہے جبکہ جیکب آباد، کوہلو، بولان، سبی، زیارت اور مچھ میں بھی خوب بادل برسے ہیں۔