پنجاب کی عدالتوں میں گرمیوں کی تعطیلات کا آغاز

راولپنڈی(اُمت نیوز) پنجاب بھر کی سول فیملی مجسٹریٹ عدالتوں میں موسم گرما کی چھٹیاں شروع ہو گئیں۔

یکم اگست سے 31 اگست تک تمام سول عدالتیں مکمل بند رہیں گی۔ ہر ضلع میں روزانہ ایک سول جج 3،3 روز تک بطور ڈیوٹی جج تعینات رہے گا۔ ماتحت عدالتوں میں ایک مہینے کی چھٹیوں کے باعث اڈیالہ جیل سمیت تمام جیلوں سے ملزمان کی عدالتوں میں پیشیاں بھی رک گئی ہیں۔

عدالتوں میں کام کا دوبارہ آغاز یکم ستمبر سے ہوگا۔