کراچی : سوئی گیس کی سپلائی 12 گھنٹے تک معطل رہے گی

کراچی(اُمت نیوز)سوئی سدرن گیس کمپنی (ایس ایس جی سی) نے ایک بار پھر شہر قائد کے مختلف علاقوں میں آج بروز اتوار 12 گھنٹے کیلیے گیس کی فراہمی بند کرنے کا اعلان کردیا۔

اس حوالے سے ایس ایس جی سی کی جاری پریس ریلیز کے مطابق کراچی کے صنعتی، کمرشل اور گھریلو صارفین کے لیے گیس پریشر کو بہتر بنانے کے لیے کام جاری ہے۔

کراچی کے صنعتی، کمرشل، گھریلو صارفین کو مطلع کیا جاتا ہے کہ 20انچ قطر 12.5کلومیٹر طویل ٹرانسمیشن پائپ لائن کو آج سسٹم سے جوڑا جائے گا۔

جس کی وجہ سے آج بروز اتوار 4 اگست صبح 8 بجے سے رات 8 بجے 12 گھنٹے کیلئے کچھ علاقوں میں گیس کی سپلائی بند رہے گی۔

اعلامیے کے مطابق اس عارضی بندش سے کورنگی سیکٹر21، 28، 29،چھتیس بی، چھتیس جی، سینتیں اے ہاشم گوٹھ متاثر ہوں گے۔

اس کے علاوہ مانسہرہ کالونی، الہٰ آباد گوٹھ اور اطراف کے علاقوں میں صنعتی، گھریلو گیس کی فراہمی بند ہوگی، سوئی سدرن گیس کمپنی کی ٹیکنیکل ٹیم کی کوشش رہے گی کہ جلد از جلد گیس فراہمی کو بحال کیا جاسکے۔