سندھ کے مختلف شہروں میں موسلادھار بارش کے باعث نہروں میں شگاف

سندھ(اُمت نیوز)سندھ کے مختلف شہروں میں موسلادھار بارش کے باعث نہروں میں شگاف پڑگئے ہیں۔

ٹنڈو آدم کی روہڑی کینال میں 100 فٹ چوڑا شگاف پڑنے سے پانی آبادیوں میں داخل ہوگیا، علاقہ مکین نقل مکانی کرنے پر مجبور ہیں۔

خیرپور میں 3 مقامات پر نہروں میں شگاف پڑنے سے فصلیں شدید متاثر ہیں۔

بارش کے باعث شگاف پُر کرنے میں مشکلات کا سامنا ہے۔