سی ٹی ڈی کی کارروائی،کالعدم تنظیم کے 2دہشت گرد گرفتار

کراچی(اُمت نیوز)لاڑکانہ کے علاقے نئوں ڈیرو میں سی ٹی ڈی اور قانون نافذ کرنے والے دیگر اداروں نے خفیہ اطلاع پر مشترکہ آپریشن کرتے ہوئے کالعدم تنظیم کے دو دہشت گرد گرفتار کر لیے۔

گرفتار دہشت گردوں کے نام جمیل احمد شیخ اور صلاح الدین بتلائے جاتے ہیں۔

وزیر داخلہ سندھ ضیاء الحسن لنجار نے دہشت گرد ملزمان کو گرفتار کرنے اور دہشت گردی کا منصوبہ ناکام بنانے پر سی ٹی ڈی لاڑکانہ اور حساس اداروں کی کارکردگی کو سراہتے ہوئے انھیں شاباش دی ہے۔

انہوں نے کہا کہ آپ لوگوں کی مشترکہ کارروائی کی بدولت دہشت گردی کا بڑا منصوبہ ناکام ہوا، کارکردگی کے تسلسل کو برقرار رکھتے ہوئے جشن آزادی کے ایونٹ کو پرامن اور محفوظ بنائیں۔