سوات میں باراتیوں کی گاڑی کھائی میں جا گری، 6 افراد جاں بحق

سوات میں باراتیوں کی گاڑی کھائی میں گرنے کے نتیجے میں 6 افراد جان کی بازی ہار گئے۔

ریسکیو ذرائع کے مطابق سوات میں مٹہ کےعلاقے چپریال میں بارات کی گاڑی کو خوفناک حادثہ پیش آیا، بارات کی گاڑی تیز رفتاری کے باعث کھائی میں جاگری۔

حادثےمیں خواتین اور بچوں سمیت سمیت 6 افراد جاں بحق جبکہ 9 زخمی ہوگئے۔پولیس کے مطابق افسوسناک واقعے میں زخمی افراد کو مٹہ اسپتال منتقل کر دیا گیاجہاں انہیں طبی امداد دی جارہی ہے۔

اسپتال ذرائع نے جیپ کے گہری کھائی میں گرنے کے نتیجے میں 6 افراد کے موقع پر جاں بحق ہونے کی تصدیق کی ہے جب کہ دیگر 9 افراد اسپتال میں زیر علاج ہیں۔