سندھ حکومت کا شاہ عبداللطیف بھٹائیؒ کے عرس پر کل عام تعطیل کا اعلان

کراچی: سندھ حکومت نے عظیم صوفی بزرگ حضرت شاہ عبدالطیف بھٹائیؒ کے 1466 ویں عرس مبارک کے موقع پرعام تعطیل کا اعلان کر دیا۔

وزیر اعلیٰ سندھ سید مراد علی شاہ کی منظوری کے بعد نوٹیفکیشن جاری کر دیا گیا، جس کے مطابق صوبےبھر میں کل 20 اگست بروز منگل کوعام تعطیل ہو گی۔ اس موقع پر تمام سرکاری و نیم سرکاری دفاتر، اسکول و کالجز بند رہیں گے۔

دوسری جانب چیف جسٹس سندھ ہائیکورٹ نے شاہ عبدالطیف بھٹائیؒ کے عرس مبارک کے موقع پر کل عدالتوں میں تعطیل کا حکم جاری کیا ہے، چیف جسٹس سندھ ہائیکورٹ شفیع محمد صدیقی نے کل کی تعطیل کا نوٹیفکیشن بھی جاری کردیا ہے۔

نوٹیفکیشن کے مطابق کل سندھ ہائیکورٹ، کراچی پرنسپل بینچ اورسرکٹ بینچز بندرہیں گی، حیدرآباد، لاڑکانہ، سکھر اورمیرپور خاص بینچز بھی بند رہیں گی۔