ٹی ٹوئنٹی میچ میں پہلی بار 3 سُپر اوورز کا ریکارڈ قائم

ٹی ٹوئنٹی کرکٹ میں اب تک دو سپر اوورز کھیلے گئے ہیں، مگر ایک حالیہ ٹی ٹوئنٹی میچ میں پہلی بار 3 سپر اوورز کروانے کا ریکارڈ قائم ہوگیا۔

میڈیا رپورٹ کے مطابق بھارت کے مہاراجا ٹرافی ٹی ٹوئنٹی کرکٹ میچ میں انوکھا ریکارڈ بنا جہاں میچ کا فیصلہ ایک کی بجائے 3 سپر اوور پر کرنا پڑا۔

ٹی ٹوئنٹی ٹیمز بنگلورو بلاسٹرز اور ہبلی ٹائیگرز کے درمیان میچ مقررہ اوورز میں برابر رہا، ہبلی ٹائیگرز کے 164 رنز کے ہدف میں بنگلورو بلاسٹرز بھی 164 رنز ہی بنا سکی۔

شروع کے 2 سپر اوورز تک میچ کا فیصلہ نہ سکا جس کے بعد تیسرا سپر اوور کروانا پڑا، پہلے سپر اوور میں دونوں ٹیمیں 10،10 رنز بنا سکیں، دوسرے سپر اوور میں ہبلی ٹائیگرز کے 8 رنز کے ٹارگٹ کے جواب میں بنگلورو بھی 8 ہی رنز بنانے میں کامیاب ہوئی۔

تیسرے سپر اوور میں بنگلورو کے 12 رنز کے جواب میں ہبلی ٹائیگرز نے آخری گیند پر کامیابی حاصل کی۔