فائرنگ و پتھراؤ،پی ٹی آئی ایم این اےسمیت مقامی رہنماؤں کیخلاف مقدمہ

اسلام آباد(اُمت نیوز) پولیس پر فائرنگ اور پتھراؤ کے معاملے میں پی ٹی آئی کے ایم این اے سمیت مقامی رہنماؤں کے خلاف مقدمہ درج کرلیا گیا۔

ترنول میں پولیس پر فائرنگ اور پتھراؤ کے معاملے پر پاکستان تحریک انصاف کے رکن قومی اسمبلی ارباب عامر ایوب سمیت پارٹی کے مقامی رہنماؤں کے خلاف تھانہ سی ٹی ڈی میں مقدمہ درج کرلیا گیا۔

ایس ایچ او تھانہ ترنول کی مدعیت میں درج مقدمے میں رکن قومی اسمبلی سمیت 40 افراد کو نامزد کیا گیا ہے، جس میں ملزمان کے خلاف 11 اے ٹی اے سمیت 16 دفعات لگائی گئی ہیں۔

مقدمے کے متن کے مطابق مشتعل مظاہرین نے حکومت کے خلاف نعرے بازی کی۔ پولیس پر سیدھے فائر کیے گئے اور زبردستی دکانیں بند کروائی گئیں۔