9 مئی سازش کے بعد پی ٹی آئی مزید مضبوط ہوئی،بیرسٹر سیف

پشاور(اُمت نیوز)مشیر اطلاعات خیبر پختونخوا بیرسٹر محمد علی سیف نے کہا ہے کہ ن لیگی رہنما جب میڈیا سے آؤٹ ہوتے ہیں تو 9 مئی پر بیان داغ دیتے ہیں۔

پشاور میں میڈیا سے گفتگو کرتے ہوئے بیرسٹر محمد علی سیف نے کہا کہ نالائق ٹولے کے پاس میڈیا میں زندہ رہنے کے لیے 9 مئی اور بانی پی ٹی آئی کے سوا کچھ نہیں۔

انہوں نے کہا کہ 9 مئی کا منہ توڑ جواب عوام نے 8 فروری کو پی ٹی آئی پر اعتماد کر کے دیا تھا، بانی پی ٹی آئی نے ہزار بار کہا کہ 9 مئی پر جوڈیشل کمیشن تشکیل دیا جائے ۔

بیرسٹر محمد علی سیف کا کہنا ہے کہ جوڈیشل انکوائری سے واضح ہو جائے گا کہ 9 مئی کے اصل محرکات کیا تھے، 9 مئی پی ٹی آئی کے خاتمہ کی سازش تھی جو شرمندہ تعبیر نہ ہوئی۔

مشیر اطلاعات خیبر پختونخوا نے کہا کہ 9 مئی سازش کے بعد پی ٹی آئی مزید مضبوط ہوئی، پی ٹی آئی اقتدار میں آکر 9 مئی کی سازش کرنے والوں کو بے نقاب کرے گی۔