جنوبی وزیرستان،پولیس وین پر بم حملہ،11 افراد زخمی

جنوبی وزیرستان (اُمت نیوز)جنوبی وزیرستان کے وانا رستم بازار میں کریکوٹ روڈ پر پولیس وین پر ریموٹ کنٹرول بم دھماکا ہوا ہے۔

پولیس کے مطابق دھماکے میں 11 افراد زخمی ہوگئے ہیں۔

اس حوالے سے ایم ایس ڈاکٹر حماد محمود کا کہنا ہے کہ دھماکے میں زخمی ہونے والے 11 افراد کو اسپتال لایا گیا ہے۔

ڈاکٹر حماد محمود نے بتایا کہ زخمیوں میں عام شہری اور پولیس اہلکار شامل ہیں۔