ٹرمپ اور کملا ہیرس کا پہلا صدارتی مباحثہ آج ہوگا

امریکا(اُمت نیوز)ڈیموکریٹک صدارتی امیدوار کملا ہیرس اور ریپبلکن صدارتی امیدوار ڈونلڈ ٹرمپ کا پہلا صدارتی مباحثہ آج ہوگا۔

بین الاقوامی خبر رساں ادارے کی رپورٹ کے مطابق سابق امریکی صدر اور موجودہ نائب صدر کملا ہیرس امریکی شہر فلاڈیلفیا میں منگل کی شب مدمقابل ہوں گے۔

سابق امریکی صدر اور کملا ہیرس کا صدارتی مباحثہ بدھ کی صبح پاکستانی وقت کے مطابق 6 بجے صبح نشر کیا جائے گا، امریکی نشریاتی ادارے اے بی سی نیوز نے ٹرمپ کملا ہیرس مباحثے کا اہتمام کیا ہے۔

سابق امریکی صدر اور کملا ہیرس کی پہلے کبھی ملاقات یا ٹیلی فون پر بات نہیں ہوئی، مباحثے کو کملا ہیرس کیلیے زیادہ اہم قرار دیا جا رہا ہے۔

امریکی میڈیا کی رپورٹس میں کہا گیا ہے کہ 90 منٹ کے مباحثے کے قواعد ٹرمپ بائیڈن صدارتی مباحثے والے ہی ہیں۔