علی امین بانی کی جگہ لینا چاہتے ہیں،خواجہ آصف

لاہور(اُمت نیوز)وزیر دفاع خواجہ آصف نے کہا ہے کہ علی امین گنڈاپور خود بانی پی ٹی آئی کی جگہ لینا چاہتے ہیں، ان کے اسٹیبلشمنٹ سے رابطے ہیں، مگر بانی پی ٹی آئی سمجھتے ہیں کہ یہ رابطے ان کے کام آئیں گے، یہ سب ایک دوسرے کو استعمال کر رہے ہیں۔

نجی ٹی وی کے پروگرام میں بات چیت کرتے ہوئے خواجہ آصف نے کہا کہ پی ٹی آئی کی قیادت خاص طور پر خیبر پختونخوا کے رہنما نہیں چاہتے ہیں کہ بانی پی ٹی آئی جیل سے باہر آئیں۔

ان کا کہنا تھا کہ گنڈاپور چار دیواری میں الگ زبان استعمال کرتے ہیں اور اسٹیج پر آکر مولاجٹ بن جاتے ہیں۔

خواجہ آصف نے کہا کہ شہباز شریف سے ملاقات میں تو وہ پوری شوگر مل بنے ہوئے تھے۔