چیف الیکشن کمشنر نے ادارے کو سیاسی جماعت میں بدل دیا: بیرسٹر سیف

پشاور(اُمت نیوز)مشیرِ اطلاعات خیبر پختون خوا بیرسٹر محمد علی سیف نے کہا ہے کہ چیف الیکشن کمشنر نے ادارے کو سیاسی جماعت میں بدل دیا ہے۔

بیرسٹر محمد علی سیف نے اپنے بیان میں کہا ہے کہ الیکشن کمیشن بہانے ڈھونڈنے کے لیے اجلاس پر اجلاس بلا رہے ہیں، کمیشن آئیں بائیں شائیں کی بجائے اعلیٰ عدلیہ کے حکم کی تعمیل کرے۔

بیرسٹر سیف کا کہنا ہے کہ الیکشن کمیشن نوٹیفیکیشن جاری کرے، تاخیری حربے استعمال کرنے پر الیکشن کمشنر توہین عدالت کے مرتکب ہوئے ہیں، وہ آئین سے متصادم فیصلے کرنے پر آرٹیکل 6 کے بھی مرتکب ہوئے ہیں۔
انہوں نے مزید کہا کہ الیکشن کمیشن جعلی حکومت کے اشاروں پر چل رہا ہے، مینڈیٹ چور حکومت ریاستی اداروں کی ساکھ کو داؤ پر لگا رہی ہے۔

بیرسٹر سیف نے یہ بھی کہا کہ ریاستی اداروں کے سیاسی فیصلے ملک کے لیے بھیانک ہوتے ہیں، فارم 47 کی حکومت نے ہر ادارے کو تباہی کے دہانے پر پہنچایا ہے۔