اسلام آباد میں فوج تعینات کرنے کا نوٹیفکیشن جاری

اسلام آباد: شنگھائی تعاون تنظیم(ایس سی او) کے سربراہی اجلاس کیلیے وفاقی دارالحکومت اسلام آباد میں فوج تعینات کرنے کا نوٹیفکیشن جاری کردیا گیا۔

ایس سی او سمٹ کیلیے فوج کی تعیناتی آرٹیکل 245 کے تحت کی گئی اور فوج ایس سی او سمٹ کے دوران اسلام آباد میں 17 اکتوبر تک تعینات رہے گی۔

اسلام آباد کی سیکیورٹی کی ذمہ داری فوج کے حوالے ہوگی اور پولیس سمیت دیگر ادارے ان کی معاونت کریں گے۔

شنگھائی تعاون تنظیم کا سربراہی اجلاس 15 اور 16 اکتوبر کو اسلام آباد میں ہوگا جس میں کئی ممالک کے سربراہان اور نمائندے شریک ہوں گے۔