امریکی ریاستوں میں سیلاب سے بڑی تباہی،223 شہری ہلاک

امریکی ریاستوں میں سیلاب سے بڑی تباہی، 223 شہری ہلاک

امریکا کی 6 ریاستوں میں بدترین سیلاب آنے سے اب تک 223 شہری ہلاک جبکہ سینکڑوں لاپتا ہوگئے۔

امریکی میڈیا کے مطابق سیلاب نے سب سے زیادہ تباہی شمالی کیرولائنا میں مچائی جہاں 106 افراد ہلاک ہوگئے۔

شمالی کیرو لائنا میں سیلاب کے باعث سینکڑوں افراد لاپتا ہوچکے ہیں۔ رپورٹ کے مطابق سیلاب کے باعچ 7 لاکھ افراد بجلی سے محروم ہیں۔

میڈیا رپورٹس کے مطابق امریکی ریاستوں میں لوگ صاف پانی اور دیگر بنیادی اشیاء سے بھی محروم ہوگئے۔

امریکی پولیس کے مطابق تقریباً 300 لاپتا افراد کی تلاش میں کارروائی کی گئی ہے اور ان میں سے 270 افراد کی حالت ٹھیک بتائی گئی ہے۔

پولیس نے مزید بتایا کہ پولیس ایف بی آئی اور ہوم لینڈ سیکیورٹی انویسٹی گیشنز کی مدد سے 75 لاپتا افراد کے معاملے پر کام جاری رکھی ہوئی ہے۔