انتہا پسند ہندؤں نے مسلم خاندان کو گاڑی تلے کچل دیا، 3 جاں بحق

بھارتی ریاست مہاراشٹر میں انتہا پسند ہندؤں نے موٹر سائیکل سوار مسلمان خاندان کو تعاقب کے بعد گاڑی تلے کچل دیا۔

بھارتی میڈیا کے مطابق اانتہا پسند ہندؤں نے معمولی تلخ کلامی کے بعد ٹکر مار کر موٹر سائیکل سوار خاندان کو نیچے گرایا اور پھر گاڑی تلے روند دیا، جس کے نتیجے میں دو کم سن بچیاں اور خاتون موقع پر بھی جاں بحق ہوگئی جبکہ35 سالہ صادق شیخ اور 6 سالہ بیٹامعجزانہ طور پر بچ گئے۔

زندہ بچ جانے والےصادق شیخ اور ان کے بیٹے کو بھی شدید چوٹیں آئی ہیں۔ جنھیں ہسپتال میں طبی امداد دی گئی۔صادق شیخ نے میڈیا کو بتایا کہ کار سوار انتہا پسند نشے میں تھے اور میں نے اس پر انھیں ٹوکا بھی تھا لیکن وہ پیچھے لگ گئے اور توہین آمیز جملے کستے ہوئے سبق سکھانے کی دھمکیاں دیں۔

مقامی مسلم رہنماؤں نے شدید احتجاج کیا جس پر پولیس نے 5 ملزمان دگمبر پانڈولے، کرشنا واگھ، بسوراج دھوترے، منوج مانے اور منوج مدامے کے خلاف قتل کے الزام میں ایف آئی آر درج کرلی۔