حکومت اور مولانا فضل الرحمن کے درمیان ڈیڈ لاک ختم ہوگیا

اسلام آباد: جمعیت علمائے اسلام ف کے سربراہ مولانا فضل الرحمن نے حکومت کو آئینی ترمیم پر ووٹ دینے کی یقین دہانی کروا دی۔

ذرائع کے مطابق حکومت اور مولانا فضل الرحمن کے درمیان ڈیڈ لاک ختم ہوگیا۔

مولانا فضل الرحمان نے پارٹی سینیٹرز کو ہدایت جاری کرتے ہوئے کہا کہ جے یو آئی سینیٹرز مسودہ کو سپورٹ کرے اور قومی اسمبلی میں بھی ووٹ کرے۔

سربراہ جے یو آئی ف نے کہا کہ ہمارہ مسودہ جو پیش ہوگا جس پر ہم سے مشاورت ہوئی، اس کی حمایت کریں گے۔

قبل ازیں، وزیراعظم محمد شہباز شریف کی زیر صدارت وفاقی کابینہ کے اہم اجلاس میں 26ویں آئینی ترمیم کی منظوری بھی دی گئی۔

وفاقی کابینہ کے اجلاس سے قبل وزیراعظم شہباز شریف کی صدر مملکت آصف علی زرداری سے ملاقات ہوئی جس میں آئینی ترمیم پر تفصیلی مشاورت ہوئی اور صدر کو اعتماد میں لیا گیا۔