نعیم قاسم حزب اللہ کے نئے سربراہ مقرر

بیروت: نعیم قاسم کو حزب اللہ کا نیا سربراہ مقررکردیا گیا ہے ۔

لبنانی مزاحمتی تنظیم حزب اللہ نے حسن نصراللہ کی شہادت کے ایک ماہ بعد قائم مقام سربراہ نعیم قاسم کو اب باقاعدہ سربراہ منتخب کرلیا۔

نعیم قاسم طویل عرصے تک حسن نصراللہ کے نائب رہے اور حسن نصراللہ کی شہادت کے بعد انہیں تنظیم کا قائم مقام سربراہ بنایا گیا تھا جب کہ وہ اس سے قبل حزب اللہ شوریٰ کمیٹی کےمسلسل 3مرتبہ رکن رہ چکےہیں۔

حسن نصر اللہ کی شہادت کے بعد ان کے خالہ زاد بھائی اورداماد  ہاشم صفی الدین کو حزب اللہ کا سربراہ منتخب کیے جانے کا قوی امکان تھا مگر صفی الدین بھی کچھ دن قبل ایک اسرائیلی حملے میں شہید ہوگئے تھے۔