سپریم کورٹ میں ججز کی تعداد 23 کرنے کا فیصلہ، بل جمعہ کو ایوان میں پیش کیا جائےگا

اسلام آباد: حکومت نے سپریم کورٹ کے ججز کی تعداد بڑھانے پرغور شروع کردیا۔

پارلیمانی ذرائع کاکہنا ہے کہ سپریم کورٹ میں ججز کی تعداد17سے بڑھا کر 23کی جائےگی،سپریم کورٹ چیف جسٹس سمیت 23ججز پر مشتمل ہوگی۔ ججزکی تعداد بڑھانے کا بل حکومت کی جانب سےپیش کیا جائے گا، بل نجی کارروائی کےدن بیرسٹر دانیال چوہدری پہلےہی پیش کرچکے ہیں۔

ذرائع کا مزید کہنا ہے کہ پریکٹس اینڈ پروسیجر ایکٹ میں بھی ترمیم پر مشاورت جاری ہے،بل کی منظوری کیلیے قومی اسمبلی اجلاس میں جمعے تک توسیع کردی گئی،ترمیم شدہ شیڈول کے مطابق اجلاس آج ختم ہو جانا تھا۔