ڈونلڈٹرمپ کوجان ایف کینڈی کی طرح قتل کیا جاسکتا ہے،روس

ماسکو: روس نے خبردارکردیا ہے کہ ڈونلڈ ٹرمپ کو سابق امریکی صدر جان ایف کینیڈی کی طرح قتل کیا جاسکتا ہے۔

روسی سلامتی کونسل کے ڈپٹی چیئرمین کا کہنا ہے امریکی صدارت کے لیے ریپبلکن امیدوار ڈونلڈ ٹرمپ جیت گئے تو یوکرین میں جنگ نہیں روک سکیں گے۔اگرانہوں نے جنگ روکنے کی کوشش کی تو قتل کردیا جائے گا۔ امریکی انتخابات میں روس کے لیے کچھ نہیں بدلے گا۔

دوسری جانب امریکا میں انتخابی مہم کا آج آخری روز ہے، تیاریاں مکمل، سیکیورٹی کے سخت انتظامات کیے گئے ہیں۔ ڈونلڈ ٹرمپ اورکاملا ہیرس کے درمیان کانٹے کا مقابلہ متوقع ہے۔

اے بی سی نیوز کے سروے کے مطابق کاملا ہیرس کو ڈونلڈ ٹرمپ پر تین پوائنٹس کی برتری حاصل ہے۔ الیکشن میں کامیابی کیلیے 270 ووٹ لینا ضروری ہے۔