آسٹریلوی فوج کے سربراہ کی آرمی چیف سے اہم ملاقات

راولپنڈی:آسٹریلوی فوج کے سربراہ لیفٹیننٹ جنرل سائمن سٹورٹ نے پاک فوج کے جنرل ہیڈ کوارٹر (جی ایچ کیو) کا دورہ کیا ہے، اور آرمی چیف جنرل سیّد عاصم منیر سے ملاقات کی۔

فوج کے شعبہ تعلقات عامہ کے مطابق قبل ازیں جی ایچ کیو پہنچنے پر آسٹریلوی آرمی چیف نے یادگار شہدا پر پھولوں کی چادر چڑھائی اور پاکستان کے شہدا کو خراج عقیدت پیش کیا۔

آئی ایس پی آر کے مطابق آسٹریلوی فوج کے سربراہ کا جی ایچ کیو پہنچنے پر پرتپاک استقبال کیا گیا، اور پاک فوج کے چاق و چوبند دستے نے انہیں گارڈ آف آنر بھی پیش کیا۔

اک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر اور آسٹریلوی فوج کے سربراہ کے درمیان ملاقات میں باہمی دلچسپی کے امور بالخصوص عالمی اور علاقائی سلامتی پر تبادلہ خیال کیا۔

فوج کے شعبہ تعلقات عامہ کے مطابق آرمی چیف جنرل عاصم منیر نے آسٹریلیا کے ساتھ پاکستان کے تعلقات کو سراہا، انہوں نے امن اور استحکام کے مشترکہ مقاصد کے فروغ کے لیے پاک آسٹریلیا تعلقات کی اہمیت اجاگر کی۔