کم از کم اجرت ایک ہزار ڈالر کرنے کیلیے لاہور ہائیکورٹ میں درخواست دائر

لاہور: پاکستان میں کم از کم اجرت ایک ہزار ڈالر کرنے کیلیے درخواست دائر کردی گئی،اجرت میں اضافے کیلیے فہمیدہ نواز ایڈووکیٹ نے لاہور ہائیکورٹ سے رجوع کیا۔

درخواست میں وزیراعظم اور تمام وزرائے اعلیٰ کو فریق بنایا گیا ہے،درخواست  گزار نے کہا ہے کہ حکومت نے کم از کم تنخواہ 37ہزار ماہانہ مقرر کی ہے،پاکستان میں 32لاکھ سرکاری اور تقریباً8کروڑ پرائیویٹ ملازمین ہیں،تنخواہوں میں اضافے سے شہریوں کی قوت خرید بڑھے گی۔

پاکستان کے لیبر قوانین میں فوری ترمیم کی ضرورت ہے،درخواست میں استدعا کی گئی ہے کہ عدالت کم سے کم اجرت 37ہزار مقرر کرنے کا نوٹیفکیشن معطل کرے،عدالت ایک ہزار ڈالر کے برابر ماہانہ تنخواہ مقرر کرنے کا حکم دے۔