بابا گورو نانک کے جنم دن کی تقریبات کا آغاز،سکھ یاتریوں کی آمد جاری

ننکانہ صاحب (اُمت نیوز) ننکانہ صاحب میں بابا گورونانک کے 555 ویں جنم دن کی تقریبات کا آغاز ہوگیا، دنیا بھر سے سکھ یاتریوں کی آمد کا سلسلہ جاری ہے۔

امریکا سے 28 رکنی وفد گوردوارہ جنم استھان پہنچ گیا، تین روزہ تقریبات 16 نومبر تک جاری رہیں گی، گورنر ہاؤس کراچی میں بابا گورونانک کے 555 وں جنم دن کی مناسبت سے تقریب ہوئی، آتش بازی کا شاندار مظاہرہ بھی کیا گیا۔

گورنر سندھ کامران خان ٹیسوری نے تقریب سے خطاب میں کہا سکھ برادری کو گورونانک کے جنم دن پر مبارکباد دیتا ہوں، میں بھی آپ کی خوشیوں میں شریک ہوں، بابا گورو نانک نے سکھ مذہب کی بنیاد رکھی اور دنیا کو اتحاد، محبت اور خدمت کا درس دیا، ننکانہ صاحب کی تقریب میں شرکت کروں گا۔