پہلاٹی ٹونٹی ، آسٹریلیا نے پاکستان کو29رنز سے ہرا دیا

برسبین :آسٹریلیا نے پہلے ٹی ٹوینٹی میچ میں پاکستان کو 29رنز سے شکست دے دی ۔ آسٹریلیا نے مقررہ 7 اوورز میں 4وکٹوں کے نقصان پر 93رنز بنائے جس کے جواب میں پاکستان کی ٹیم 8وکٹوں کے نقصان پر64رنز ہی بنا سکی ۔

پاکستان کی بیٹنگ آغاز سے ہی اچھی پرفارمنس دکھانے میں ناکام رہی۔اوپنر صاحبزادہ فرحان 8، محمدرضوان صفرپر آوٹ ہوئے ۔ ان کے بعد بابر اعظم تین،  عثمان خان 4، سلمان آغا4،عرفان خان صفر ، حسیب اللہ خان 12اور شاہین آفریدی 11رنز بنا کر آوٹ ہوئے۔

نسیم شاہ بھی بغیر کوئی رن بنائے آئوٹ ہوئے،عباس آفریدی20 رنز بنا کر آئوٹ رہے،آسٹریلیا کی جانب بارٹ لیٹ اور  نا تھن ایلس3,3اور ایڈم زیمپا 2وکٹیں لینے میں کامیاب ہوئے۔ گلین میسویل کو19 گیندوں پر 43 رنز بنانے پر مین آف دی میچ قرار دیا گیا۔

قبل ازیں آسٹریلیا نے پہلے ٹی ٹوینٹی میچ میں پاکستان کو جیت کیلیے 94رنز کا ہدف دیا تھا، بارش کے باعث میچ کو 7 اوورز تک محدود کر دیا گیا تھا۔

پاکستان نے ٹاس جیت کر فیلڈنگ کا فیصلہ کیا اور میزبان ٹیم کو بیٹنگ کی دعوت دی جس پر آسٹریلیا نے 7 اوورز میں 4وکٹوں کے نقصان پر 93رنز بنائے ۔آسٹریلیا کی جانب سے گلین میکسویل 19 گیندوں پر 43 رنز بنا کر سرفہرست رہے۔

میزبان ٹیم کی جانب سے  میتھیو شارٹ اور جیک فریزر نے میدان میں اترکرکھیل کا آغاز کیا لیکن دوسرے اوور کی پہلی گیند پر نسیم شاہ نے جیک فریزر کو 9 رنز پر پولین پہنچا دیا ۔ ان کے بعد گلین میکسویل نے کمان سنبھالی اور پاکستانی باولرز کی دھلائی کرتے ہوئے 43 رنز کی اننگ کھیل کر ٹیم کو قابل دفاع ہدف دینے میں اہم کردار ادا کیا۔ وہ 43 رنز پرعباس آفریدی کی گیند پر کیچ آوٹ ہوئے۔ ٹم ڈیوڈ نے 10 رنز بنائے اور عباس آفریدی کی گیند پر کیچ آوٹ ہوئے۔مارکس سٹونس 21 رنز کے ساتھ ناقابل شکست رہے۔

پاکستان کی جانب سے عباس آفریدی نے دو ، نسیم شاہ اور شاہین شاہ آفریدی نے ایک ایک وکٹ حاصل کی۔

برسبین میں بارش کے باعث میچ تاخیر کا شکار ہوا جس کے باعث میچ کو 7 اوورز تک محدود کر دیا گیا، جس کے تحت دو اوورز کا پاور پلے رکھا گیا جبکہ دو بائولرز دو دو اوورز کروانے کی اجازت تھی اور تین باولرز ایک ایک اوور کروا سکے۔