کراچی میں 4 بندر سڑک پر نکل آئے، یہ ہمارے نہیں، چڑیا گھر انتظامیہ

کراچی میں گارڈن البیلا چوک کے قریب ایک رہائشی علاقے میں 4 بندر سڑک پر نکل آئے۔ شروع میں خیال ظاہر کیا گیا کہ بندر قریبی چڑیا گھر سے نکلے ہیں لیکن چڑیا گھر انتظامیہ نے انہیں اپنا ماننے سے انکار کردیا ۔

گارڈن کے علاقے میں بدھ کی صبح بندر نظر آنے پر مکینوں نے فوری طور پر ریسکیو اداروں کو طلب کیا۔

علاقہ مکینوں کی مدد کے لیے محکمہ جنگلی حیات کے اہلکار اور پولیس بھی موقع پر پہنچ گئی۔پولیس کا کہنا تھا کہ یہ بندر ممکنہ طور پر چڑیا گھر سے نکلے ہیں۔

دوسری جانب چڑیا گھر کی انتظامیہ نے بندروں کے باہر نکلنے کی اطلاعات کی تردید کی۔

پولیس کا کہنا ہے کہ اس معاملے کی تحقیقات کی جائیں گی تاکہ معلوم ہو سکے کہ یہ بندر کس کے ہیں اور کہاں سے آئے ہیں؟