ڈی آئی خان میں فورسز کا آپریشن،2 خوارج ہلاک، ایک زخمی

راولپنڈی: ڈی آئی خان کےعلاقے کولاچی میں انٹیلی جنس بیسڈ آپریشن کے دوران سیکیورٹی فورسز کی کارروائی میں 2خوارجی ہلاک جبکہ ایک زخمی حالت میں گرفتار کر لیا گیا۔

آئی ایس پی آر نے بتایا کہ ہلاک ہونے والے دہشت گرد سیکیورٹی فورسز اور شہریوں پر حملوں میں ملوث تھے۔ آپریشن کے دوران ہلاک دہشت گردوں سے گولیاں اور ہتھیار بھی برآمد ہوئے ہیں۔

آئی ایس پی آر کے مطابق سیکیورٹی فورسز نے علاقے میں دیگر دہشت گردوں کی تلاش کے لیے سینٹائزڈ آپریشن شروع کر دیا ہے۔ ترجمان نے کہا کہ سیکیورٹی فورسز دہشت گردی کے خاتمے کے لیے پرعزم ہیں۔