لاہور، بہو کے ساتھ مبینہ زیادتی کرنے پر سسر گرفتار

لاہور:لاہور پولیس نے بہو کے ساتھ مبینہ زیادتی کرنے والے ملزم کو گرفتار کرلیا گیا۔

رپورٹ کے مطابق خاتون کے والد نے 15 ایمرجنسی ہیلپ لائن پر کال کرکے ورچوئل ویمن پولیس اسٹیشن میں وقوعہ کی اطلاع دی جس پر علاقہ پولیس نے ملت پارک کے علاقے میں کارروائی کرتے ہوئے ملزم کو گرفتار کرلیا۔

متاثرہ خاتون نےالزام لگایا کہ سسر نے متعدد بارزیادتی کا نشانہ بنایا، کسی کو بتانے پر سنگین نتائج اور جان سے مارنے کی دھمکیاں دیں۔

ترجمان لاہور پولیس کے مطابق ورچوئل ویمن پولیس اسٹیشن نے فوری کارروائی کرتے ہوئے قریبی پولیس کو موقع پر روانہ کیا۔

ترجمان کے بیان کے مطابق سسر بیٹے کی غیر موجودگی میں بہو کے ساتھ زیادتی کرتا، ہراساں اور دھمکاتا رہتا تھا، پولیس نے فوری ایکشن لیتے ہوئے ملزم کو گرفتار کرلیا۔