ملکہ کوہسار مری میں پھر برفباری ،پنجاب میں بارشیں

ملکہ کوہسار مری میں ایک مرتبہ پھر برف باری کا سلسلہ شروع ہوگیااور سیاحوں کی غیر معمولی تعداد نے مری کا رخ کرلیا۔

لاہور میں بھی بارش کے بعد سردی کی شدت میں اضافہ ہوگیا، سیالکوٹ، گجرات، گوجرانوالہ اور ظفروال سمیت پنجاب کے مختلف اضلاع میں بھی بارش ہوئی ہے،محکمہ موسمیات نے بارشوں کا سلسلہ جاری رہنے کی پیش گوئی کی ہے۔

دوسری طرف بلوچستان کے شمالی علاقوں میں شدید سردی کا سلسلہ جاری ہے جبکہ خیبر پختونخوا کے بیشتر اضلاع میں بھی موسم سرد ہے۔
پشاور میں خشک سردی پڑ رہی ہے جبکہ کراچی سمیت سندھ بھر میں بھی موسم سرد ہوگیا ہے۔