کرایہ دار لڑکی سے کئی بار زیادتی کرنے والا مالک مکان گرفتار

لاہور: مزنگ میں پولیس نے لڑکی سے زیادتی اور بلیک میل کرنے والے ملزم کو گرفتار کرلیا۔

خاتون نے 15 ایمرجنسی ہیلپ لائن پر بیٹی کے ساتھ زیادتی کی اطلاع دی تھی جس پر ورچوئل ویمن پولیس اسٹیشن نے فوری کارروائی کرتے ہوئے پولیس کو موقع پر بھجوایا۔

تفتیش کے مطابق متاثرہ خاتون کرائے کے مکان میں رہائش پذیر ہے اور مالک مکان اس کی بیٹی کو بلیک میل کرکے کئی بار زیادتی کا نشانہ بنا چکا ہے۔

لڑکی نے اپنی ماں کو تمام صورتحال سے آگاہ کیا تو اس نے فوراً پولیس سے مدد طلب کی، پولیس نے موقع پر پہنچ کر خاتون اور اس کی بیٹی کو تحفظ فراہم کیا، ملزم کے خلاف مقدمہ درج کرکے اسے حراست میں لے لیا گیا اور مزید قانونی کارروائی جاری ہے۔