وزیر اعظم شہباز شریف آج کراچی پہنچیں گے

کراچی: وزیر اعظم آج کراچی کا دورہ کریں گے، دورے کے دوران میاں شہبازشریف اسٹاک ایکسچینج بھی جائیں گے۔

میاں شہباز شریف کے ہمراہ وزیر خزانہ سینیٹر محمد اورنگزیب سمیت اہم وفاقی وزرا بھی کراچی جائیں گے، وزیراعظم بزنس کمیونٹی کی اہم شخصیات سے بھی ملیں گے۔

وزیراعظم پاکستان اسٹاک ایکسچینج کی تقریب میں روایتی گھنٹہ بجا کر کاروبار کا آغاز کریں گے، بعد ازاں وہ چائنا پورٹ کا دورہ کریں گے۔