پشاور، خاتون صحافی پر قاتلانہ حملہ،2 بہنوں سمیت شدید زخمی

پشاور میں بھانہ ماڑی میں خاتون صحافی قاتلانہ حملہ میں 2 بہنوں سمیت شدید زخمی ہوگئیں۔

رپورٹ کے مطابق واقعے کے دوران لیڈی ریڈنگ ہسپتال کی خاتون اسسٹنٹ میڈیا مینجر ناہید جہانگیر بھی زخمی ہوگئیں۔ پولیس کے مطابق حملہ کوہاٹ روڈ چونگی کے قریب کیا گیا۔

پشاور پولیس  کے مطابق حملہ آور خاتون صحافی کے قریبی رشتے دار ہیں، واقعے میں ملوث ایک ملزم کو گرفتار کرلیا گیا ہے، دیگر ملزمان کی گرفتاری کا سلسلہ جاری ہے۔

خاتون نے پولیس کو دی گئی درخواست میں کہا کہ ملزمان کو گرفتار کرکے قرار واقعی سزا دلائی جائے۔