امریکا میں رات 12 بجتے ہی ٹک ٹاک ایپ مکمل بند

نیویارک میں رات 12 بجتے ہی ٹک ٹاک ایپ مکمل بند کردی گئی۔

غیرملکی میڈیا کے مطابق امریکا میں ٹک ٹاک کو ایپ اسٹورز سے ہٹادیا گیا ہے، ٹک ٹاک ایپ کھولنے پر جو پیغام دیا جارہا ہے اس میں نومنتخب صدر ٹرمپ سے امید ظاہر کی گئی ہے کہ وہ اس سلسلے میں مد کرینگے۔

امریکا میں کئی ملین افراد ٹک ٹاک کی بندش پر افسردہ ہیں۔

دوسری جانب نومنتخب امریکی صدر ڈونلڈ ٹرمپ نے اشارہ دیا ہے کہ وہ عہدہ سنبھالنے کے بعد ٹک ٹاک کو 90 روز کی مہلت دیں گے۔

جمعے کو امریکی سپریم کورٹ نے گزشتہ سال اپریل میں منظور کیے گئے ٹک ٹاک ایپ پر پابندی کے فیصلے کو برقرار رکھا تھا۔