پاک بحریہ نے 11 ویں مرتبہ ٹاسک فورس کی قیادت سنبھال لی

راولپنڈی : پاک بحریہ نے ٹاسک فورس 151 کی قیادت 11ویں مرتبہ سنبھال لی۔

آئی ایس پی آر کے مطابق کمان کی تبدیلی کی تقریب کمبائنڈ میری ٹائم فورسز ہیڈکوارٹرز بحرین میں منعقد ہوئی ۔

آئی ایس پی آرکے مطابق پاک بحریہ کے کموڈور سہیل احمد عظمی کمبائنڈ ٹاسک فورس-151 کے نئے کمانڈر تعینات کر دیے گئے۔اس سے پہلے یہ کمانڈ ترک بحریہ کے پاس تھی۔

آئی ایس پی آرکے مطابق کموڈور سہیل احمد عظمی نے کہاکہ خطے میں امن و استحکام کیلئے پاک بحریہ دیگر ممالک کی بحری افواج کے ساتھ مل کر کام کرتی رہے گی۔

آئی ایس پی آرکے مطابق کمبائنڈ ٹاسک فورس-151 میری ٹائم سیکیورٹی، بحری قزاقی اور سمندر میں دہشت گردی کی روک تھام کو یقینی بناتی ہے۔

آئی ایس پی آرکے تقریب میں پاکستان اور ترکیہ کے سفیروں سمیت دیگر سفارتی اور عسکری شخصیات نے بھی شرکت کی۔