بدین، جعلی عاملوں کے تشدد سے خاتون جاں بحق

بدین: بدین کی تحصیل ٹنڈوباگو کے پنگریو شہر کے قریبی گاﺅں خدا بخش ہیسبانی میں 30سالہ سنگیتا کے علاج کے لیے جعلی عاملوں کو گھر میں بلایا گیا تو عاملوں نے گھر والوں کو کمرے سے باہر نکال کر سنگیتا کو کمرے میں بند کرکے جنات نکالنے کا جواز بنا کر خاتوں پر وحشیانہ تشدد کیا.

تشدد کا نشانہ بننے والی خاتون چیخ و پکار اور منت سماج کرتی رہی، لیکن عاملوں نے ایک نہ سنی اور تشدد کا سلسلہ دم نکلنے تک جاری رکھا۔ تشدد کا شکار خاتون کے منہ اور جسم پر تشدد کے واضع موجود نشانات دکھائی دے رہے تھے ، پنگریو پولیس نے واقعہ کی اطلاع ملنے پر خاتون کی لاش پوسٹ مارٹم کے لیے ٹنڈوباگو رورل ہیلتھ سینٹر منتقل کر دی ، جعلی عامل ویرسی کولہی اور ہورشی کولہی کو پنگریو پولیس نے گرفتار کر لیا۔

واضع رہے کہ اس سے قبل بھی کئی خواتین جعلی عاملوں کے تشدد کا شکار بن چکی ہیں، مقامی افراد کے مطابق جعلی عامل نے اکثر شراب بھی پی رکھی ہوتی ہے۔ مقامی افراد کے مطابق جعلی عامل خواتین کو زیادتی کا نشانہ بھی بناتے ہیں جبکہ رشتے دار بدنامی اور شرمندگی کے خوف سے زبان بند رکھتے ہیں۔