اسرائیل نے الاقصیٰ بریگیڈ کے سابق سربراہ کو رہا کردیا

جنگ بندی معاہدے کے تحت اسرائیل اور حماس کے درمیان قیدیوں کا تبادلہ جاری ہے۔ اسرائیل نے سابق فلسطینی رہنما مجاہد زکریا زبیدی کو رہا کر دیا oy، جو 2000 سے 2005 تک جنین میں الاقصیٰ بریگیڈ کے سربراہ رہے تھے۔

مجاہد زکریا زبیدی کو اسرائیل نے 2019 میں مسلح سرگرمیوں میں ملوث ہونے کے الزام میں گرفتار کیا تھا، تاہم وہ 2021 میں اپنے پانچ دیگر ساتھیوں کے ہمراہ جیل سے فرار ہوگئے تھے، لیکن بعد میں انہیں دوبارہ گرفتار کرلیا گیا۔

معاہدے کے تحت، حماس آج تین اسرائیلی یرغمالیوں کو رہا کرے گی، جبکہ بدلے میں اسرائیل 183 فلسطینی قیدیوں کو آزاد کرے گا۔ رہا کیے جانے والوں میں کئی ایسے افراد بھی شامل ہیں جو عمر قید کی سزائیں بھگت رہے تھے۔

قیدیوں کے اس تبادلے کو خطے میں کشیدگی کم کرنے کی کوشش قرار دیا جا رہا ہے، تاہم فریقین کے درمیان تنازعہ بدستور برقرار ہے۔