سہ ملکی سریز؛ 5 سے 10 فروری تک آرمی اور رینجرز کی تعیناتی کی منظوری

لاہور: 3 ملکی کرکٹ سیریز کیلیے سخت سیکیورٹی انتظامات کر لیے گئے ہیں،جس کے تناظر میں وزارت داخلہ نے 5 سے 10 فروری تک آرمی اور رینجرز کی تعیناتی کی منظوری دیدی ہے۔

میچز کے دوران آرمی اوررینجرز کی ایک ایک کمپنیاں تعینات ہوں گی،محکمہ داخلہ پنجاب نے پولیس کی درخواست پر وفاقی حکومت کو مراسلہ لکھا تھا۔

سہ ملکی کرکٹ سیریز میں پاکستان،نیوزی لینڈ اور ساؤتھ افریقہ کی ٹیمیں شرکت کریں گی،8 اور 10 فروری کے میچز قذافی اسٹیڈیم لاہور میں ہوں گے۔