45 گاڑیوں پر مشتمل امدادی اشیاکا قافلہ ٹل سے پارا چنار پہنچ گیا

پارا چنار: 45 گاڑیوں پر مشتمل امدادی اشیاءکا قافلہ ٹل کینٹ سے پارا چنار پہنچ گیا۔

نجی ٹی وی کے مطابق قافلے کے لئے سیکیورٹی کے سخت انتظامات کیے گئے ہیں، قافلے میں اشیائے خوردونوش اور دیگر ضروری سامان شامل ہے، پولیس، ایف سی سمیت ضلعی انتظامیہ اور ممبران قافلے کی سیکیورٹی پر تعینات ہیں۔

دوسری جانب ڈپٹی کمشنر محمد خالد نے اس حوالے سے بتایا ہے کہ گاڑیوں میں اشیائے خورد و نوش اور دیگر سامان موجود ہے، آج قافلے میں 70 سے زائد گاڑیاں کرم بھیجی جائیں گی۔

ڈی سی نے مزید کہا ہے کہ قافلوں کے لئے سکیورٹی کے سخت انتظامات کیے گئے ہیں، کینٹ سے کرم چھپری چیک پوسٹ تک پولیس اہلکار تعینات ہیں۔