صدر زرداری اور ترک صدر اردگان کی استنبول ایئر پورٹ پر ملاقات

صدر آصف علی زرداری اور ترکیہ کے صدر رجب طیب اردگان کی استنبول ایئر پورٹ پر ملاقات ہوئی۔

ملاقات کے دوران دونوں صدور کے دورمیان خوشگوار جملوں کا تبادلہ ہوا۔

دونوں صدور نے ملاقات میں دوطرفہ تعلقات اور باہمی دلچسپی کے امور پر تبادلہ خیال کیا۔

پرتگال جاتے ہوئے صدر زرداری نے ترکیہ میں مختصر قیام کیا، ترکیہ کے وزیر خارجہ حاکان فدان نے صدر مملکت کا استقبال کیا۔

صدر آصف زرداری پرنس کریم آغا خان کے انتقال پر اظہار افسوس کے لیے پرتگال کے دورے پر ہیں۔

صدر آصف علی زرداری کی دورۂ لزبن کے دوران پرتگال کے صدر مارسلو ربیلو ڈی سوسا سے بھی ملاقات متوقع ہے۔

واضح رہے کہ چند روز قبل اسماعیلی کمیونٹی کے روحانی پیشوا پرنس کریم آغا خان 88 برس کی عمر میں انتقال کر گئے تھے۔

برطانوی میڈیا کے مطابق پرنس کریم آغا خان کا انتقال پرتگال کے دارلحکومت لزبن میں 4 فروری کو ہوا تھا، پرنس شاہ کریم الحسینی اسماعیلی کمیونٹی کے 49ویں امام تھے۔