مفتی قوی کا ٹھرک پن انتہا کو پہنچ گیا

اسلام آباد: مفتی قوی ٹھرک پن کی انتہا کو پہنچ گئے،انھوں نے دعویٰ کیا ہے کہ ان کا بھارتی اداکارہ راکھی ساونت کے ساتھ ویلنٹائن ڈے یعنی 14 فروری کو نکاح ہونے جا رہا ہے۔

مفتی قوی نے حال ہی میں نجی ٹی وی کے پروگرام میں شرکت کی، جہاں انہوں نے مختلف معاملات پر کھل کر بات کی۔ میزبان نے مفتی قوی سے ان کی شادی سے متعلق سوال کیا جس کے جواب میں مفتی قوی کا کہنا تھا کہ وہ 14 فروری کو راکھی ساونت سے نکاح کرنے جارہے ہیں اور نکاح کی یہ تاریخ راکھی ساونت نے کود طے کی ہے۔

میزبان نے راکھی ساونت سے پوچھا کہ انہوں نے 14 فروری کو ہی نکاح کی تاریخ کیوں مقرر کی تو انہوں نے جواباً کہا کہ اس تاریخ کو شاید کوئی خاص دن ہوتا ہے۔

راکھی ساونت کے لباس کے حوالے سے بات کرتے ہوئے جب میزبان نے مفتی قوی سے پوچھا کے نکاح کرنے کے بعد راکھی کس قسم کا لباس پہنیں گی تو اس سوال کے جواب میں ان کا کہنا تھا کہ راکھی کو مکمل اسلامی لباس پہننا ہوگا ساتھ ہی انہوں نے کہا کہ یہ بھی ہوسکتا ہے میرا لباس تبدیل ہوجائے۔

مفتی قوی نے کہا کہ نکاح ہوجانے کے بعد ہنی مون پر کہاں جانا ہے اس کا فیصلہ راکھی ساونت کریں گی، وہ کہیں گی دن ہے تو ہم بھی کہیں گے دن ہے، اگر وہ کہیں گی شام ہے تو ہم مان لیں گے کہ شام ہے۔

پروگرام کے دوران ایک سوال کے جواب میں مفتی قوی کا کہنا تھا کہ انسان کو صرف ایک ہی شادی کرنی چاہیے جبکہ نکاح بیک وقت 4 بھی ہوسکتے ہیں تاہم اگر کوئی ان جیسا شخص ہو تو نکاح درجنوں بھی ہوسکتے ہیں۔

پروگرام کے دوران انہوں نے حریم شاہ کے ساتھ اپنی ویڈیوز وائرل ہونے کے معاملے پر بھی بات کی اور کہا کہ ہر خوش نصیب شخص نے ان کی اور حریم شاہ کی ویڈیو دیکھی ہے۔ انہوں نے یہ بھی کہا کہ ہر خاتون کے پاس ان کا نمبر ہوتا ہے۔