سری لنکا نے آسٹریلیا کو دوسرے ون ڈے میں بھی دھول چٹا دی

کولبو: سری لنکا نے دوسرے ون ڈے میچ میں آسٹریلیا کو 174 رنز سے شکست دے کر سیریز 0-2 سے جیت لی۔

کولمبو میں کھیلے گئے میچ میں 282 رنز کے تعاقب میں آسٹریلوی ٹیم 25 ویں اوور میں 107 رنز پر ڈھیر ہوگئی۔

” جنگ ” کے مطابق آسٹریلیا کے سٹیو اسمتھ 29، جوش انگلس 22 اور ٹریوس ہیڈ نے 18رنز بنائے جبکہ سری لنکا کے دونیتھ ویلالیگا نے 4 وکٹیں حاصل کیں۔  سری لنکن بولر اسیتھا فرنینڈو اور وانندو ہسارنگا نے 3،3 کھلاڑیوں کو آؤٹ کیا۔

اس سے قبل سری لنکا نے پہلے بیٹنگ کرتے ہوئے مقررہ اوورز میں 4 وکٹ پر 281 رنز بنائے تھے۔ کوشل مینڈس 101 رن بنا کر نمایاں رہے تھے انہیں مین آف دی میچ قرار دیا گیا۔

واضع رہے پہلے ون ڈے میں بھی سری لنکا نے آسٹریلیا کو49رنز سے شکست دی تھی۔