چیمپئنز ٹرافی، سندھ حکومت پاک بھارت میچ دکھانے کیلیے بڑی سکرینیں لگائے گی

کراچی: سندھ حکومت نے پاک بھارت میچ کیلئے کراچی سمیت مختلف اضلاع میں بڑی سکرینیں لگانے کا فیصلہ کیا ہے۔

نجی ٹی وی نے صوبائی وزیر کھیل محمد بخش مہر کے حوالے سے بتایا کہ 23 فروری کو ہونے والے پاک بھارت میچ کیلئے کراچی، حیدرآباد اور لاڑکانہ میں سکرینیں لگائی جائیں گی۔

محمد بخش مہر نے بتایا کہ کراچی میں ساحل سمندر پر پاک بھارت میچ لائیو دکھایا جائے گا اور سندھ یوتھ کلب گلستان جوہر میں بڑی سکرین پر میچ لائیو دیکھا جاسکے گا۔

اس کے علاوہ گھوٹکی سمیت 30 اضلاع میں پاک بھارت میچ لائیو دکھانے کا اہتمام کیا ہے، حیدرآباد نیاز سٹیڈیم، خیرپور ممتاز کرکٹ گراو¿نڈ اور ٹنڈو محمد خان میں بھی پاک بھارت میچ لائیو دکھایا جائے گا۔