افغانستان سے دردناک شکست پرانگلینڈ کے کپتان جوز بٹلر نے استعفیٰ دے دیا

کراچی : افغانستان کیخلاف دردناک شکست پرانگلینڈ کے کپتان جوز بٹلر نے استعفیٰ دیدیا۔

ان کا کہنا تھا کہ یہ میرے لیے درست وقت ہے میں یہ عہدہ چھوڑ دوں ، اب کوئی اور آئے گا اور کپتانی کرے گا، انگلینڈ کی کپتانی کرنا اعزاز کی بات ہے  بطور کھلاڑی سلیکشن کے لیے دستیاب ہوں گا۔

انگلش کوچ برینڈن میکولم نے پریس کانفرنس  کے دوران بتایا کہ  کل بٹلر آخری میچ میں کپتانی کریں گے ، جوز بٹلر ہمارے لیے ایک اہم کھلاڑی ہے ، بٹلر اس ٹیم کے ساتھ کافی لگاؤ رکھتے ہیں ، میں چاہتا تھا وہ بطور کپتان جاری رکھیں  ۔

انہوں نے کہا کہ انہوں نے بطور کپتان کافی اچھا پرفارم کیا ہےمختلف فارمیٹس میں ٹیم کا بیلنس بنانا مشکل ہو جاتا ہے ، ہمیں بہت چیزیں بہتر کرنے کی ضرورت ہے ، اگلے کپتان کے حوالے سے اب تک فیصلہ نہیں ہوا ، آخری میچ کے بعد کپتان کے حوالے سے مشاورت کریں گے۔

یادر ہے کہ انگلینڈ کو افغانستان کے ہاتھوں 8 رنز سے شکست کا سامنا کرنا پڑا تھا جس کے بعد انگلش ٹیم چیمپئنز ٹرافی کے سیمی فائنل کی دوڑ سے باہر ہو گئی۔