ایم کیو ایم پی ایس پی مافیا کے نرغے میں ہے، سعید غنی

کراچی :زیر بلدیات سندھ  سعید غنی نے کہا ہے کہ ایم کیو ایم پی ایس پی مافیا کے نرغے میں ہے۔

میڈیا سے گفتگو کرتے ہوئےوزیر بلدیات سندھ سعید غنی  نے کہا  کہ خالد مقبول بےبس سربراہ ہیں، ایم کیو ایم کی کوئی حیثیت نہیں۔ ایم کیو ایم پی ایس پی مافیا کے نرغے میں ہے، ان کے اپنے اختلافات ہیں، ایم کیو ایم نے جماعت اسلامی والا کام کیا ہے۔ بلدیاتی اداروں کو تباہ پرانے میئر نے کیا۔

سعید غنی کا کہنا تھا کہ  کے ڈی اے سے 3 ارب روپے کا پلاٹ سندھ حکومت خرید رہی ہے، پیپلز پارٹی نے کام شروع کیا تو ایم کیو ایم کریڈٹ لینا چاہتی ہے۔تجاوزات کو روزگار سے جسٹیفائی نہیں کرنا چاہیے، سڑکوں پر انکروچمنٹ ختم کرنی ہے، سڑکوں پر ٹریفک جام ہوتا ہے تو لوگ ہمیں برا کہتے ہیں۔

صوبائی وزیر کا مزید کہنا تھا  کہ اکبری فٹبال گراؤنڈ کی بحالی کے کام دیکھنے آیا ہوں، صوبائی حکومت نے جو ترقیاتی منصوبے شروع کیے تھے ان کا افتتاح ہو رہا ہے، یہ عالمی معیار کا گراؤنڈ ہے۔