چیمپئنز ٹرافی کا دوسرا سیمی فائنل، ٹکٹس مکمل فروخت نہ ہوسکے

آئی سی سی چیمپئنز ٹرافی کے لاہور میں آج ہونے والے دوسرے سیمی فائنل کے مکمل ٹکٹس نہ بک سکے۔

اس میچ کے لیے ٹکٹس اب بھی دستیاب ہیں۔ نیوزی لینڈ اور جنوبی افریقا کے درمیان سیمی فائنل قذافی اسٹیڈیم میں کھیلا جائے گا۔

عمران خان، فضل محمود انکلوژرز کے881 جبکہ رمیز راجا اور سعید انور انکلوژرز کے 1232 ٹکٹس دستیاب ہیں۔

علاوہ ازیں اے ایچ کاردار اور جاوید میانداد انکلوژرز کے 556 اور سرفراز نواز انکلوژر کے451 ٹکٹ دستیاب ہیں۔

دوسری جانب عبدالقادر، وسیم اکرم اور وقار یونس انکلوژرز سولڈ آؤٹ ہیں جبکہ سعید احمد، ماجد خان، انضمام، امتیاز احمد، ظہیر عباس، حنیف محمد، وسیم اکرم گیلریز بھی سولڈ آؤٹ ہیں۔