وفاقی کابینہ میں ردوبدل ، نئے ارکان کو وزارتیں تفویض

اسلام آباد: وفاقی کابینہ میں شامل نئے ارکان کو وزارتوں کے قلم دان سونپ دیے گئے، کئی وزرا کیے قلمدان تبدیل ہوگئے، وزیراعظم نے اپنے نئے مشیران اور معاونین خصوصی بھی مقرر کردیے۔

وفاقی کابینہ میں شامل نئے ارکان کو قلمدان سونپ دیے گئے جس کا نوٹی فکیشن بھی جاری کردیا گیا۔

نوٹی فکیشن کے مطابق طارق فضل چوہدری کو وزیر پارلیمانی امور، علی پرویز ملک کو وزیر پیٹرولیم، اورنگزیب خان کچھی کو وزیر قومی ورثہ و ثقافت، خالد مگسی کو وزارت سائنس اینڈ ٹیکنالوجی کا قلمدان سونپ دیا گیا ہے۔

اسی طرح حنیف عباسی کو وزیر ریلوے اور معین وٹو کو وزیر آبی وسائل کا قلمدان دیا گیا ہے، محمد رضا حیات ہراج کو وزیر دفاعی پیداوار، سردار یوسف وزیر کو مذہبی امور، شیزہ فاطمہ کو انفارمیشن ٹیکنالوجی، رانا مبشر اقبال کو پبلک افیئر یونٹ اور مصطفی کمال کو نیشنل ہیلتھ سروسز اینڈ ریگولیشنز کا قلم دان دیا گیا ہے۔

ملک رشید احمد وزیر مملکت برائے فوڈ سیکیورٹی بن گئے اور عبدالرحمن کانجو کو وزیر مملکت برائے توانائی کا چارج مل گیا، بیرسٹرعقیل ملک وزیر مملکت قانون و انصاف اور بلال اظہر کیانی کو وزیر مملکت ریلوے مقرر کیا گیا ہے۔