پی ٹی آئی کا پارلیمانی قومی سلامتی کمیٹی اجلاس میں شرکت کا فیصلہ

اسلام آباد: پاکستان تحریک انصاف (پی ٹی آئی) نے پارلیمانی قومی سلامتی کمیٹی اجلاس میں شرکت کا فیصلہ کرلیا۔ذرائع کے مطابق اپوزیشن لابی میں پی ٹی آئی قیادت نے مشاورت کی۔

چیئرمین پی ٹی آئی بیرسٹر گوہر سمیت متعدد رہنماؤں نے قومی سلامتی کمیٹی اجلاس میں شرکت کے حق میں دلائل دیے، جنید اکبر کی جانب سے بانی پی ٹی آئی سے مشاورت کا کہا گیا۔

حکومت کی جانب سے اجلاس میں شرکت کیلئے پی ٹی آئی سے نام مانگے گئے ہیں، اسپیکر قومی اسمبلی اور چیف وہپ طارق فضل چوہدری نے پاکستان تحریک انصاف سے رابطہ کیا تھا اور عامر ڈوگر سے کمیٹی اجلاس میں شرکت کےلیے نام مانگے گئے تھے۔

عامر ڈوگر کا کہنا تھا کہ مجھ سے اسپیکر اور چیف وہپ نے قومی سلامتی کمیٹی اجلاس میں شرکت کیلئے نام مانگے ہیں۔

دوسری جانب اسپیکر قومی اسمبلی ایاز صادق اور چیف وہپ طارق فضل چودھری کا پاکستان تحریک انصاف سے رابطہ ہوا ہے۔

کابینہ ذرائع کے مطابق قومی سلامتی کمیٹی اجلاس میں شرکت کے لیے سپیکر نے نام مانگ لیے، پاکستان تحریک انصاف کےچیف وہپ عامر ڈوگر سے کمیٹی اجلاس میں شرکت کے لیے نام مانگے گئے ہیں۔

ذرائع نے بتایا کہ تحریک انصاف رہنماؤں کی پارلیمنٹ ہاؤس میں مشاورت جاری ہے ، عامر ڈوگر نے بھی سپیکر اور چیف وہپ کے رابطوں کی تصدیق کردی۔

عامر ڈوگر کا اس حوالے سے کہنا تھا کہ مجھ سے سپیکر اور چیف وہپ نے قومی سلامتی کمیٹی اجلاس میں شرکت کے لئے نام مانگے ہیں، عمران خان سے مشاورت کے بعد ہی کسی اجلاس میں شریک ہوں گے۔